Da z`Wättischwil am Zürisee,i oisere G`liebte Stadt
Gaats mängisch scho chli dräkig zue,das hämmer langsam satt
Drum simmer da villicht s`letschte mal,uf de Ängelbühne
Und butzed was de Riim härgitt,chli öppis nach de Nüüne
Drissig Jöörli NFG diä sind ämalä fix
Däzue zell ich na 25,vo dä Trubadix
Dänn 20 Jahr vo dä Wadin-Schränzer,plus 15 Knacki-Jahr
Git doch eifach nöd ganz 100,das isch doch allnä klar.
Versueches scho zum xte mal,ich hass dä huere Stress
Dä Siech hauts wider ohni mich,de Paniermähl-Express
Eine lacht de Ranze voll,däm Tubel gib i Gift
Sit es paar Stunde sitz ich fescht,im neue Bahnhoflift.
De Betablocker fahrt nöd ii,es Epo chönnt mi rette
Chli besser wird’s erscht nach es paar,Amphetamin-Tablette
Ich bin die fahrend Apitek, tud`Chrone verunstalde
Ich bin d`r Stärchscht uf däre Wält,ich bin d`r Abderhalde
Swissair,Crossair,Brätterbadi,Blattme TV3
George Bush,Tele24, ali gönd i d`Chnüü
D`Wirtschaft pfiift im letschte Loch,es räbled noch und nocher
Nur eine chätsched immer na,genau de Christoph Blocher
Bi chürzli bim Vinz Bütler,uf de Schiisi ghockt
Ha pfundet und s`häd g`stunke,ich glaub ich has verbockt
Ich butze mis Rosettli,das isch wie Poesie
Ich butz de A mit OWG- Gnosseschafterschii
Es seig scho öppis schampar guets,är well das ums verrode
Schärfer als so manches Gsöff,scho liit er flach am Bode
Är häd scho vierfoif inedruckt, und isch churz vor em tauche
Mit letschter Chraft versuecht är na,das Gerberwürschtli z`rauche
Bi mit em Bueb go pöschtele,häja das macht doch Spass
Büechli,Mansgi,Frotteetuech,und säb det na und das
Duschsandale,Underhose,Händsche ales wotter
Am Schluss isch mini Gratti wäg,ich dank der Harry Potter
Was mir scho lang vermuetet händ, isch jez au passiert
De Ruhestand händs erreicht,und wärded pensioniert
Zum züchte chaschs au nüme bruuche, d`Pinsel sind vill z`weich
D`Glööns die wärded uusstärbe,läck isch das en Seich
Ich glaube nöd was ich da ghöre,ei ei ei ei ei
Hocke lah und abserviert,wider ganz elei
Häd ächt öpper echli Ziit,für dä armi Maa
Dä Aeschbi eusi Schwuchtle,die isch wider z`haa
Graströchni in Wättischwiil,isch en huere Chrampf
D`Stadträt richtet d`Lanze und secklet voll in Kampf
Ich weis wiso d`Politiker sit langem so tüend röchle
Die Cheibe wänd doch ire Habli noimeds chöne tröchne
En Iisbahn uf em Seeplatz,Beamti händ da z`biise
Mit Vorschrifte versuecheds dänn,die guet Idee z`verriise
De Beschti Witz wos uselönd,ich chönnt die Deppe küsse
Wo s`Tauwasser dänn häregöch,wänd die im Bauamt wüsse
Häd öppe mal es Fäschtli gha,häd g`lached vill und gärn
Häd Angscht um Stüel und Lampe gha,häd g`strahled wie en Stärn
Nach Büeler-Bitter unverdünnt,häsch z`mitzt im Muul de Schorf
Mir danked und vermissed dich,Alice Langedorf
De Bodmer Max de Polizischt,mer seit em susch au Schmier
Häd Letschti Jubiläum gha,es Fäschtli gar nöd schtier
Zäähtuusig Buesse häd er g`schribe,das gid en grosse Orde
Und befördered händ`s en äntli au,als Poschtechef uf Horge
Mir hoffed das jez Wättischwil glänzt wider blitz und blank
Drum höred mir uuf butze,mit oisere Schnitzelbank
Und gänd öi uf de Wääg mit,chli zàchte ufenand
Dänn bliibt Wädi suuber,das wär doch allerhand
Läck isch das en
Schiissdräck,wo z`Wädischwiil passiert
Doch jez wird äntli
Ornig gmacht,gschtrigled und poliert
Mir sind es gschaffigs Grüppli,lueged öis a,lueged öis a
Mir chrampfed vill verreckter,als jedä Maa,als jedä Maa
Vor öis chan gar kein Dräck,me sicher sii,me sicher sii
Dänn wo mir drüber sind,isch ales clean,isch ales clean.....
Wär öises feine Grüppli angaschiert,ja angaschiert
Isch sicher guet bedient und gar nöd gschmiert,ja gar nöd gschmiert
Will was mir mached isch doch effiziännt,ja effiziännt
Mir springed sofort ii, wänns mal brännt,ja wänns mal brännt.......
Zur Fasnacht simmer immer bsunders scharf,ja bsunders scharf
Und butzed au speziells je nach Bedarf,ja nach Bedarf
Doch tüend öis zerscht na gschnäll es Schlückli gäh,es Schlückli gäh
Will füecht mues es ja sii bim Zämenäh,bim Zämenäh.....
....butze,butze ja
das mues jez sii,butze butze drum ligged mir voll drii
und butzed da und
butzed det und butzed gschnäll und butzed vill
bis de ganzi Dräck
wäg isch bi öis in Wättischwiil